“Real” vingeri Vinisius Junior La Liganing ikki o‘yiniga chetlatildi.
Eslatib o‘tamiz, braziliyalik futbolchi “Valensiya”ga qarshi bahsda raqib klub darvozaboni Stole Dimitriyevning yuziga zarba bergani uchun qizil kartochka olgandi.
Ispaniya Qirollik futbol federatsiyasi intizom qo‘mitasi Vinisiusni chempionatning ikki o‘yiniga chetlatish bo‘yicha qaror qabul qildi. Shu tariqa Vini “Real”ning “Las-Palmas” va “Valyadolid”ga qarshi o‘yinlarini o‘tkazib yuboradi.
Ma’lumot uchun, diskvalifikatsiya Ispaniya Superkubogi bahslariga o‘z ta’sirini o‘tkazmaydi. Vinisius 9-yanvar kuni bo‘lib o‘tadigan “Malyorka”ga qarshi bahsda maydonga tushishi mumkin.
