“Barselona” Hansi Flik bilan shartnomani uzaytirmoqchi.
Diario Sport nashrining xabariga ko‘ra, kataloniyaliklar murabbiy bilan keyingi mavsum boshiga qadar yangi shartnoma imzolash borasida muzokaralarni boshlamoqchi. Mutaxassisning klub bilan amaldagi shartnomasi 2026-yilning yoziga qadar mo‘ljallangan.
Qayd etilishicha, “Barselona” rahbariyatining o‘zi ham Flikning natijalari bu qadar yaxshi bo‘lishini kutmagan. Rahbariyat murabbiy yangi jamoani qurishda asosiy figura bo‘ladi deb hisoblaydi.
Muzokaralar oson kechishi kutilmoqda, nemis mutaxassisi hozirgidan balandroq maosh olishi ham mumkin. 2024-yilda u kamaytirilgan maoshga rozi bo‘lib, “ko‘k-anorranglilar”ni qabul qilib olgan edi.
