Ispaniya Superkubogi finalida “Barselona” “Real” ustidan 5:2 hisobida g‘alaba qozondi

Bu “ko‘k-anorranglilar” uchun ushbu turnirda 15-chempionlik bo‘ldi.
Umumiy hisobda esa “Barselona” 100-sovrinini qo‘lga kiritdi. Kataloniyaliklar 27 marta Ispaniya chempionatida, 31 marta Ispaniya Kubogida, 3 marta Eva Duarte Kubogida, 2 marta Ispaniya Liga Kubogida, 5 marta Chempionlar Ligasida, 4 marta Kubok egalari Kubogida, 5 marta Yevropa Superkubogida, 3 marta Yarmarka Kubogida, 3 marta klublar o‘rtasidagi Jahon chempionatida, 2 marta Lotin Kubogida g‘alaba qozongan.
Shuningdek, “Barselona” hisobida Kataloniya mahalliy turnirlarida 33 marta zafar quchgan.